काठमाडौं । नेपाल इन्भेष्टमेन्ट मेगा बैंकको साढे २ लाख बढी कित्ता संस्थापक (प्रमोटर) सेयर लिलामीमा आएको छ ।
बैंकले विद्यमान १३ जना सेयरधनीको नाममा रहको कुल २ लाख ५५ हजार ७४१ कित्ता सेयर आजदेखि लिलामीमा ल्याएको हो ।
यसअघि बैंकका विद्यमान संस्थापक सेयरधनीहरूले उक्त सेयर सेयर खरिद नगरेपछि अहिले सर्वसाधारणका लागि लिलामी खुला गरिएकाे हो ।
उक्त सेयरमा इच्छुक संस्था वा व्यक्ति जो कोहीले ७ दिनभित्र आवेदन दिन सक्नेछन्। लगानीकर्ताले आफूले लिन चाहेको सेयर संख्या र मूल्य स्पष्ट खुलाई गोप्य शिलबन्दी मार्फत आवेदन दिनु पर्नेछ । सेयर भाउ भने क्रेता आफैंले तोकेर निवेदन पेश गर्नुपर्नेछ ।
सेयर खरिद गर्न इच्छुक लगानीकर्ताले बिहीबार आजबाट ७ दिनभित्र बैंकको सेयर शाखा लाजिम्पाट, काठमाडौंमा खरिद गर्न चाहेको सेयर संख्या खुलाई आवेदन दिनुपर्नेछ ।
