सिड्नी । शुक्रबार मात्र दुई बाणिज्य बैंकको मर्जर सफल भएसँगै ग्लोबल आईएमई बैंकका अध्यक्ष चन्द्रप्रसाद ढकालले अब अहिले सम्पर्क कार्यालय रहेका अस्ट्रेलिया, भारत, बेलायत, मलेसिया र जापान मध्ये अस्ट्रेलियामा शाखा खोल्ने तयारी सुरु भएको बताएका छन् । सिड्नीमा आयोजित एक अन्तरक्रियामा बोल्दै उनले उक्त कुरा बताएका हुन् ।
ढकालले नेपालमा लगानीको वातावरण राम्रो रहेकाले अब सबैले लगानी बढाउन उपयुक्त हुने उनको भनाई थियो ।
‘वातावरण निकै राम्रो बन्दै गएको छ यस्तोमा ग्लोबल आईएमई बैंकले लगानीको सहजकर्ताको भूमिका खेल्छ’ ढकालले भने । उनले गैर आवाशीय नेपालीहरुको समेत लगानी निर्माण हुँदै गरेको दोर्दी जलाबिद्युत आयोजना छिट्टै संचालनमा आउने जानकारी दिएका थिए ।
