काठमाडौं । समस्याग्रस्त नेपाल सेयर मार्केट एण्ड फाइनान्सको व्यवस्थापन समूहको संयोजकका रोशनकुमार अधिकारी छनोट भएका छन् ।
नेपाल राष्ट्र बैंकले परीक्षामा प्राप्त नम्बरका आधारमा अधिकारीलाई संयोजकमा छनोट गरेको हो । यस्तै, वैकल्पिक उमेदवारमा प्रकाश घिमिरे र गोविन्द प्रसाद शर्मा छानिएका छन्।
राष्ट्र बैंकले छनोटमा परेका मुख्य उम्मेदवार नियुक्तका लागि वैशाख २ गतेसम्ममा केन्द्रीय बैंकमा सम्पर्क राख्न समेत आग्रह गरेको छ। सो समयमा मुख्य उम्मेदवार सम्पर्क गर्न नआए योग्यताक्रम अनुसार बैकल्पिक उम्मेदवारलाई नियुक्ति दिने केन्द्रीय बैंकले जनाएको छ।
संयोजकको न्यूनतम सेवा अवधि १ वर्षको रहने र ६/६ महिनाका लागि दुईपटक सेवा अवधि नवीकरण गर्न सकिने राष्ट्र बैंकले जनाएको छ । संयोजकको मासिक पारिश्रमिक १ लाख २६ हजार ३०० रुपैयाँ हुनेछ ।
राष्ट्र बैंकले नेपाल सेयर मार्केट्स एन्ड फाइनान्सलाई २०६९ पुस २८ गते समस्याग्रस्त घोषणा गरेको थियो ।
