काठमाडौं । प्रभु बैंकले वार्षिक साधारण सभा डाकेको छ । बैंकले आगामी वैशाख २० गते २२ औं साधरण सभा केन्द्रीय कार्यालय बबरमहलमा डाकेको हो ।
बैंकले साधरण सभामा गत आर्थिक वर्ष २०७९/८० को वार्षिक प्रतिवेदन, नाफा-नोक्सान हिसाब, नगद प्रवाहलगायत विवरणमा छलफल गर्ने, चालु आवका लागि लेखापरीक्षकको नियुक्ती गर्ने लगायत प्रस्ताव लैजाने भएको छ ।
बैंकले गत वर्षको नाफाबाट सेयरधनीलाई लाभांश भने नदिने भएको छ । साधारण सभा प्रयोजनका लागि बैंकले वैशाख ४ गते बुक क्लोज गर्ने भएको छ । सो अनुसार वैशाख ३ गतेसम्म कायम रहने सेयरधनीले मात्र सभामा भाग लिन सक्नेछन् ।
