
काठमाडौं । नेपाल इन्भेष्टमेन्ट मेगा बैंक लिमिटेडको सञ्चालक समितिको निर्वाचन स्थगित भएको छ ।
आइतबार सर्वोच्च अदालतले बैंक सञ्चालक समितिको मतदानको कार्य यथास्थितिमा राख्न अल्पकालीन अन्तरिम आदेश जारी गरेसँगै चुनाव स्थगित भएको हो ।
बैंकले चैत २० गते हुने ३७औं वार्षिक साधरण सभामा ६ जना (संस्थापकको तर्फबाट ४ जना र सर्वसाधारणबाट २ जना) सञ्चालक चयन गर्ने कार्यक्रम बनाएको थियो । तर, अदालतको आदेशसँगै निर्वाचन प्रक्रिया रोकिएको हो ।