काठमाडौं । आगामी आर्थिक वर्षमा मुक्तिनाथ विकास बैंकले चालु आवको नाफाबाट लाभांश बाँड्न नपाउने भएको छ । मुक्तिनाथले चालु आर्थिक वर्षमा प्राथमिक पूँजीकोष कायम गर्न नसकेपछि लाभांश बाँड्न नपाउने भएको हो ।
नेपाल राष्ट्र बैंकले जारी गरेको एकीकृत निर्देशन ‘क्यापिटल एड्युकेसी फ्रेमवर्क’ २०१५ अनुसार राष्ट्रिय स्तरका विकास बैंकहरूले ८.५ प्रतिशत प्राथमिक र २.५ प्रतिशत पूरक गरी ११ प्रतिशत पूँजी कोष कायम गर्नुपर्दछ ।
तर, मुक्तिनाथको पुस मसान्तसम्म प्राथमिक पूँजीकाेष ८.२६ प्रतिशत मात्रै भएकाले लाभांश बाँड्न नपाउने भएको हो । यद्यपि, यस अवधिमा मुक्तिनाथको कुल पूँजीकोष भने सीमाभन्दा माथि अर्थात् ११.२६ प्रतिशत छ ।
कुनै आर्थिक वर्षको कुनै अवधिमा तोकिएको पूँजीकोष अनुपात कायम गर्न नसके राष्ट्र बैंकले लाभांश वितरणमा रोक लगाउँछ ।
