काठमाडौं । हाथवे इन्भेष्टमेन्ट नेपालले सामूहिक लगानी कोषहरुको लागि छुट्याइएको साधारण सेयरको ‘लक इन पिरियड’ चैत १ गतेपछि सकिने भएको छ ।
कम्पनीले बुधबार एक सूचना जारी गर्दै सामूहिक लगानी कोषहरूको नाममा रहेको ३६ हजार ५१२ कित्ताको लकइन पिरियड सकिने जानकारी गराएको हो ।
धितोपत्र बोर्डको व्यवस्था अनुसार सामूहिक लगानी कोषले पाएको आइपीओ ६ महिनासम्म बेच्न पाउँदैनन् । कम्पनीको आइपीओ बाँडफाँट भएको ६ महिना पुग्ने भएसँगै चैत २ देखि म्युचुअल फण्डले सेयर बेच्न पाउने भएका हुन् ।
कम्पनीको सेयर रजिष्ट्रार ग्लोबल आइएमई क्यापिटल रहेको छ ।
