काठमाडौं । पछिल्लो समय लगातार ओरालो लागेको सेयर बजारमा यो साता सुधार देखिएको छ ।
साताको पहिलो दुई दिन झिनो गिरावट देखिए पनि पछिल्ला तीन दिनमा करिब साढे २० अंकले बढेको छ । आज सूचक करिब ८ अंकले बढेको छ भने कारोबार करिब ६ करोडले बढेको छ ।
पछिल्ला तीन दिन लगातार बजार बढेपछि लगानीकर्ता उत्साहित भएका छन् । बढ्दो बजारमा लगानीकर्ता माइक्रोफाइनान्स र बीमा कम्पनीहरुको सेयरमा झुम्मिएका छन् ।
सेयर बजार मापक सूचक नेप्से ७.४५ अंकले बढेर ११३१.९२ विन्दुमा पुगेको छ । आज १६८ कम्पनीको ३५ करोड ८८ लाख ३९ हजार ६८० रुपैयाँ बराबरको कारोबार भएको छ ।१० लाख ९५ हजार १८८ कित्ता सेयर किन बेच भएका छन् ।समग्र बजार पूँजीकरण १५ अर्ब ३७ करोड रुपैयाँ रहेको छ
कारोबार भएका १२ वटा समूहमध्येमा उत्पादनमूलक समूह बाहेक अरु सबै समूहको सूचक उकालो लागेका छन् । आज उत्पादनमूलक समूहको सूचक १५.१४ अंकले घटेको छ भने जीवन बीमा समूहको सूचक सबैभन्दा धेरै १५३.२१ अंकले बढेको छ ।
कारोबार रकमको आधारमा नेपाल लाइफ इन्स्योरेन्सको सेयर शीर्ष स्थानमा रह्यो । यसको ३ करोड ५१ लाख ३१ हजार ८०१ रुपैयाँको कारोबार भएको छ ।
आज कारोबार भएका अधिकांश कम्पनीहरुको सेयर मूल्य बढेको छ । समिट लघुवित्त वित्तको सेयर मूल्य सबैभन्दा धेरै ७.७८ प्रतिशतले बढेको छ भने दिव्यश्वरी हाइड्रोपावरको सेयर मूल्य सबैभन्दा धेरै ७.०१ प्रतिशतले घटेको छ ।
