काठमाडौं । युनाइटेड अजोड इन्स्योरेन्सले गत आर्थिक वर्ष २०७९/८० को मुनाफाबाट घोषणा गरेको लाभांश सुरक्षित गर्ने आज अन्तिम दिन रहेको छ ।
कम्पनीले साधरण सभा तथा लाभांश प्रयोजनका लागि भोलि (माघ २२ गते) बुकक्लोज मिति तोकेको छ । सो अनुसार आजसम्म कायम रहने सेयरधनीले प्रस्तावित लाभांश पाउने छन् ।
कम्पनीले गत वर्षको नाफाबाट १०.२६१२ प्रतिशत बोनस सेयर र करसहित ०.५४०१ प्रतिशत नगद गरी कुल १०.८०१ प्रतिशत लाभांश घोषणा गरेको छ ।
कम्पनीले उक्त लाभांश पारित गर्न फागुन ६ गते वार्षिक साधरण सभा बोलाएको छ । कम्पनीको सभा अनमोल ब्यांकेट, शंखमूल, काठमाडौंमा बिहान ११ बजे सुरु हुनेछ ।
