काठमाडौं । सेयर बजार दोहोरो अंकको गिरावट आएको छ । आइतबारदेखि लगातार ३ दिनमा ३५ अंकले बढेको नेप्से आज एकैदिन २१ अंकले घटेको हो ।
सूचकसँगै आज कारोबार रकममा पनि गिरावट आएको छ । अघिल्लो दिनको तुलनामा कारोबार रकम २५ करोड रुपैयाँले घटेर ५ अर्ब २९ करोड रुपैयाँमा सीमित भएको छ ।
बुधबार नेप्से परिसूचक २१.६७ अंकले घटेर २०९७.९३ विन्दुमा आइपुगेको छ । यस दिन ३१३ कम्पनीको १ करोड ४७ लाख ७७ हजार १२० कित्ता सेयर बिनबेच भएको छ ।
आज कारोबारमा आएका १३ वटा उपसमूहमध्ये उत्पादनमूलक बाहेक अरु सबैको परिसूचक घटेको छ । होटल समूहको परिसूचक सर्वाधिक २.०४ प्रतिशतले घटेकोे छ ।
आज पनि हिमालयन रि-इन्स्योरेन्सको सर्वाधिक कारोबार भएको छ । यसको ६३ करोड ८७ लाख रुपैयाँको ८ लाख ८९ हजार ८६८ कित्ता सेयर किनबेच भएको छ ।
दोहोरो अंकले घटेको बजारमा आज सामलिङ पावरको सेयर मूल्यमा पोजेटिभ सर्किट लागेको छ । यसका लगानीकर्ताले करिब १० प्रतिशत कमाएका छन् ।
