काठमाडौं । एनआइसी एशिया बैंकले निक्षेपको ब्याजदर घटाएको छ । बैंकले माघ १ गतेदेखि लागू हुने गरी व्यक्तिगत र संस्थागत दुवै मुद्दती निक्षेपको ब्याजदर घटाएको हो ।
बैंकले मंसिरदेखि लगातार निक्षेपको ब्याजदर घटाउँदै आएको छ । एनआइसीले माघका लागि व्यक्तिगत मुद्दती निक्षेपमा न्यूनतम ६.२५ प्रतिशतदेखि अधिकतम ८.०६५ प्रतिशत ब्याजदर तोककेको छ ।
यो पुसको तुलनामा ०.६०५ प्रतिशत विन्दुले कम हो । बैंकले पुसमा व्यक्तिगत मुद्दतीमा अधिकतम ८.६७ प्रतिशत ब्याज दिएको थियो ।
बैंकले सार्वजनिक गरेको ब्याजदर अनुसार माघमा व्यक्तिगततर्फ ३ महिनादेखि ६ महिनासम्मको ब्याजदर ६.२५ प्रतिशत, ६ देखि ९ महिनासम्म ६.७५ प्रतिशत, ९ महिनादेखि १ वर्षसम्मको ७ प्रतिशत, १ वर्षका लागि ७.२५ प्रतिशत, १२ देखि १८ महिना ७.५० प्रतिशत, १८ देखि २४ महिनाका लागि ७.७५ प्रतिशत र २४ महिनादेखि १८० महिनासम्मको ८.०६५ प्रतिशत ब्याजदर तोकेको छ ।
त्यसैगरी, संस्थागततर्फ न्यूनतम ४.७५ प्रतिशतदेखि ६.०५ प्रतिशतसम्म ब्याजदर तोकेको छ । जसमा ६ देखि ९ महिनासम्मको न्यूनतम ४.७५ प्रतिशत र २४ देखि १८० महिनासम्मको अधिकतम ६.०६५ प्रतिशत ब्याजदर दिने भएको छ ।
बैंकले पुसमा व्यक्तिगत मुद्दती निक्षेपमा अधिकतम ८.६७ प्रतिशत र संस्थागत मुद्दती निक्षेपमा ६.६७ प्रतिशत ब्याज दिइरहेको छ ।
मंसिर मसान्तसम्म बैंकको बेसरेट १०.३९ प्रतिशत रहेको छ । बैंकले बेसरेटमा अधिकतम ३ प्रतिशतसम्म प्रिमियम जोडेर कर्जा दिने जनाएको छ ।
