काठमाडौं । नेपाल पुनर्बीमा कम्पनीको संस्थापक समूहको (प्रमोटर) सेयर आजदेखि लिलामीमा आएको छ ।
कम्पनीको विद्यमान संस्थापक सेयरधनी विशाल ग्रुपले आफ्नो स्वामित्वमा रहेको १५ लाख कित्ता सेयर लिलामी मार्फत बेच्न लागेको हो ।
कम्पनीको प्रमोटर सेयर किन्न इच्छुक लगानीकर्ताले न्यूनतम मूल्य प्रतिकित्ता ३२५ रुपैयाँ नघटाई आफूले लिन चाहेको सेयर संख्य मूल्य तोकी गोप्य शिलबन्दी मार्फत आवेदन दिनु पर्नेछ ।
लगानीकर्ताले न्यूनतम २ लाख कित्तादेखि अघिकतम सबै कित्ताका लागि आवेदन दिन सक्नेछन् ।
इच्छुक संस्थापकले ३५ दिन (माघ २९ गते)भित्र एनआइसी एशिया क्यापिटलमा काठमाडौंमा आवेदन दिन सक्नेछन् ।
लिलामी सेयरमा विद्यमान संस्थापक सेयरधनीले मात्र आवेदन दिन पाउने छन् । सो अवधिमा कुनै पनि संस्थापकबाट आवेदन नपरेमा भने सर्वसाधारणले समेत किन्न सक्ने गरी बिक्री खुला गरिने कम्पनीले जनाएको छ ।
