काठमाडौं । नारायणी डेभलपमेन्ट बैंक लिमिटेडले हाल कायम चुक्ता पूँजीको १०० प्रतिशत हकप्रद सेयर बिक्री गर्न अनुमति पाएको छ ।
नेपाल धितोपत्र बोर्डले बैंकलाई १:१ अनुपातमा हकप्रद जारी गर्न अनुमति दिएको हो ।
बैंकले प्रतिकित्ता १०० रुपैयाँ दरले २६ करोड २४ लाख ६७ हजार ६०० रुपैयाँ बराबरको २६ लाख २४ हजार ६७६ कित्ता हकप्रद निष्काशन गर्न अनुमति पाएको हो ।
बैंकले हकप्रद निष्काशनको अनुमति माग्दै आवेदन दिएको १६ महिनापछि अनुमति पाएको हो । बैंकले बोर्डमा २०७९ भदौ ९ गते आवेदन दिएको थियो ।
बैंकको हकप्रद सेयर निष्काशन तथा बिक्री प्रबन्धक ग्लोबल आइएमई क्यापिटल लिमिटेड रहेको छ ।
