काठमाडौं । सानिमा बैंकले अंग्रेजी नयाँ वर्ष २०२४ को उपलक्ष्यमा विशेष योजना सार्वजनिक गरेको छ ।
यस योजना अन्तर्गत डोमेस्टिक डेबिट कार्डका लागि आवेदन दिने ग्राहकले जारी शुल्कमा २४ प्रतिशत छुट प्राप्त पाउने छन् ।
यो योजना पुस २२ गतेदेखि माघ ११ गतेसम्म लागू हुने बैंकले जनाएको छ । बैंकले ग्राहकहरूलाई विभिन्न छुट तथा अफरहरू प्रदान गरी डिजिटल भुक्तानीको अधिकतम् प्रयोग गर्दै नगदरहित कारोबारका लागि प्रोत्साहन गर्दै आएको छ ।
सानिमा बैंकको देशको सातै प्रदेशमा १३३ वटा कार्यालय तथा १२३ वटा एटीएम संचालनमा रहेका छन् ।
यसैगरी, सानिमा बैंकको डेबिट कार्ड, क्रेडिट कार्ड र मोबाइल बैंकिङ्ग प्रयोगकर्ताहरूले विभिन्न अस्पताल, शपिङ आउटलेट, होटल, रेष्टुरेन्ट तथा अन्य मर्चेन्टहरूमा आकर्षक छुटको व्यवस्था मिलाएको छ ।
