काठमाडौं । माछापुच्छ्रे बैंकको प्रमुख कार्यकारी अधिकृत (सीईओ)मा सन्तोष कोइराला पुनः नियुक्त भएका छन्।
बिहीबार बसेको बैंक सञ्चालक समिति बैठकले कोइरालालाई अर्को कार्यकाल (थप ४ वर्ष)का लागि सीईओमा निरन्तरता दिने निर्णय गरेको हो ।
कोइरालाको बैंकमा पहिलो कार्याकाल सकिन ३ महिना बाँकी छँदै संचालक समितिले पुनः थप गरेको हो । उनले २०७७ वैशाख १ गतेदेखि बैंकको सीईओ सम्हालेका थिए । त्यअघि उनी बैंककै डेपुटी सीईओका रुपमा कार्यरत थिए ।
कोइरालासँग साढे २ दशक लामो बैंकिङ क्षेत्रमा कामा गरेको अनुभव छ । उनको पहिलो कार्यकालमा माछापुच्छ्रे ले वित्तीय सूचक र डिजिटल बैंकिङमा समेत फड्को मारेको बैंकले जनाएको छ ।
