काठमाडौं । सरकारले चालु आर्थिक वर्ष २०८०/८१ का लागि उखुको समर्थन मूल्य तोकेको छ । बुधबार बसेको मन्त्रिपरिषद् बैठकले उखुको न्यूनतम खरिद मूल्य प्रतिक्विन्टल ६३५ रुपैयाँ ताकेको हो ।
सरकारकी प्रवक्ता एवम् सञ्चार तथा सूचना प्रविधिमन्त्री रेखा शर्माका अनुसार प्रतिक्विन्टल ६३५ रुपैयाँमध्ये उद्योगले ५६५ रुपैयाँ र सरकारले अनुदान बापत ७० रुपैयाँ उपलब्ध गराउने छ ।
गत आवको तुलनामा यस वर्ष उखुको समर्थन मूल्य प्रतिक्विन्टल ९५ रुपैयाँ बढेको हो । गत वर्ष प्रतिक्विन्टल ५४० रुपैयाँ निर्धारण गरिएको थियो । किसानले भने यस वर्ष उखुको मूल्य प्रतिक्विन्टल ७५० रुपैयाँ निर्धारण गर्न माग गरेको थिए ।
