काठमाडौं । प्रभु महालक्ष्मी लाइफ इन्स्योरेन्सले १७ प्रतिशत हकप्रद सेयर निष्काशन गर्ने भएको छ ।
कम्पनी संचालक समितिको पुस १ गते बसेको बैठकले नेपाल बीमा प्राधिकरणले तोकेको चुक्ता पूँजी पुर्याउन हाल कायम चुक्ता पूँजीको १७ प्रतिशत हकप्रद सेयर जारी गर्ने भएको हो ।
कम्पनीको हाल चुक्ता पूँजी ४ अर्ब २९ करोड ६० लाख रुपैयाँ रहेको छ । कम्पनीले यसको १७ प्रतिशत अर्थात् ७३ करोड रुपैयाँ बढीको हकप्रद निष्काशनपछि चुक्ता पूँजी ५ अर्ब पुर्याउने भएको हो ।
प्रस्तावित हकप्रद नेपाल बीमा प्राधिकरणबाट स्वीकृत र कम्पनीको आगामी वार्षिक साधारण सभाले पारित गरेपछि निष्काशन प्रक्रिया अघि बढ्ने छ ।
