काठमाडौं । कुमारी बैंकले कर्जाको प्रिमियम दर घटाउने भएको छ । बैंकले अंग्रेजी नयाँ वर्ष (आगामी पुस १६ गते)देखि लागू हुने गरी कर्जाको प्रिमियम दरलाई अधिकतम ३.५ प्रतिशतमा झार्ने भएको हो ।
यसअघि बैंकले कर्जाको प्रकृति अनुसार ५ प्रतिशतसम्म प्रिमियम लिँदै आएको थियो । बैंकका अनुसार घटाएको प्रिमियमदर फोन लोन र क्रेडिट कार्डबाहेक बैंकबाट प्रवाह भएका अन्य सबै प्रकारका कर्जाहरुमा लागू हुने जनाएको छ । अर्थात् अब कुमारी बैंकबाट ऋण लिँदा बेसरेटमा ३.५ प्रतिशत प्रिमियम जोडर (फोन लोन र क्रेडिटकार्ड बाहेक)मा ऋण पाइने छ ।
आर्थिक गतिविधि थप चलायमान होस् भन्ने उद्देश्यका साथ प्रिमियम दर घटाउने निर्णय गरिएको बैंकले जनाएको छ । बैंकले हालै निक्षेपको ब्इाजदर पनि घटाएको छ ।
बैंकले हाल ३०९ शाखा कार्यालय, ३२० एटीएम, ६५ शाखारहित बैंकिङ्ग इकाई तथा ४९ एक्स्टेन्सन काउन्टर मार्फत अत्याधुनिक बैंकिङ सेवा प्रदान गर्दै आएको छ ।
