काठमाडौं । साना किसान विकास लघुवित्त वित्तीय संस्थाले गत आर्थिक वर्ष २०७९/८० को मुनाफाबाट घोषणा गरेको लाभांश संशोधन गरेको छ ।
नेपाल राष्ट्र बैंकको निर्देशन अनुसार लघुवित्तले लाभांश संशोधन गरेको हो । यसअघि प्रस्ताव गरेको लाभांश राष्ट्र बैंकले स्वीकृत नगरेपछि लघुवित्तले लाभांश ५ प्रतिशत घटाएको छ ।
लघुवित्तले अब सेयरधनीलाई १४.२५ प्रतिशत बोनस र कर तिर्न ०.७५ प्रतिशत गरी कुल १५ प्रतिशत लाभांश दिने भएको छ । यसअघि मंसिर २४ गते बसेको लघुवित्त संचालक समितिको बैठकले १५ प्रतिशत बोनस सेयर र कर प्रयोजनसहित ५ प्रतिशत नगद गरी कुल २० प्रतिशत लाभांश दिने प्रस्ताव गरेको थियो ।
प्रस्तावित लाभांश नियामक निकाय नेपाल राष्ट्र बैंकको स्वीकृति र कम्पनीको आगामी वार्षिक साधारण सभाबाट पारित भएपछि सेयरधनीहरुले पाउनेछन्।
