काठमाडौं । सेयर बजार २० मिनेटका लागि बन्द भएको छ ।
बजार खुलेको ५ मिनेटमै नेप्से परिसूचक ४ प्रतिशत (पोजेटिभ सर्किट)ले बढेपछि २० मिनेटका लागि कारोबार बन्द भएको हो ।
नेपाल राष्ट्र बैंकले शुक्रबार चालु आवको मौद्रिक नीतिको पहिलो त्रैमासिक समीक्षा गर्दै ब्याजदर घट्ने व्यवस्था र सेयर कर्जाको जोखिम भार समेत घटाएपछि लगानीकर्ता उत्साहित हुँदा नेप्सेले छलाङ मारेको हो ।
नेप्से परिसूचक बजार खुलेको ५ मिनेटमै ७४.२० अंकले बढेर १९२६.९८ विन्दुमा पुगेको छ । यस अवधिमा साढे १६ करोड बढीको कारोबार भएको छ ।
नेप्सेको नियम अनुसार कारोबार सुरु भएको १ घण्टाभित्र नेप्से ४ प्रतिशतले घटेमा वा बढेमा २० मिनेटसम्मका लागि कारोबार स्थगित हुने व्यवस्था छ ।
त्यस्तै, पुनः कारोबार सुरु भएको एक घण्टाभित्र ५ प्रतिशतले बढेमा वा घटेमा ४० मिनेट कारोबार स्थगित हुनेछ। परिसूचकमा ६ प्रतिशतको अन्तरपछि त्यस दिनका लागि नै कारोबार स्थगित हुनेछ।
