काठमाडौं । साना किसान विकास लघुवित्त वित्तीय संस्थाले गत आर्थिक वर्ष २०७९/८० को मुनाफाबाट सेयरधनीलाई लाभांश घोषणा गरेको छ ।
लघुवित्त सञ्चालक समितिको मंसिर २४गते बसेको बैठकले गत आवको नाफाबाट सेयरधनीलाई १५ प्रतिशत बोनस सेयर र कर प्रयोजनसहित ५ प्रतिशत नगद गरी कुल २० प्रतिशत लाभांश दिने निर्णय गरेको हो ।
लघुवित्तले घोषणा गरेको यो लाभांश ९ वर्ष यताकै कम हो । यसअघि लुवित्तले आव २०७०/७१ मा १५.७८ प्रतिशत लाभांश दिएको थियो । त्यसयता लघुवित्तले हरेक वर्ष कम्तीमा २६ प्रतिशत लाभांश दिँदै आएको थियो ।
प्रस्तावित लाभांश नियामक निकाय नेपाल राष्ट्र बैंकको स्वीकृति र कम्पनीको आगामी वार्षिक साधारण सभाबाट पारित भएपछि सेयरधनीहरुले पाउनेछन्।
