काठमाडौं । नेपाल स्टक एक्सचेन्ज (नेप्से)को अनलाइन कारोबार प्रणाली (टीएमएस)का प्राविधिक समस्या आएको छ ।
नेप्सेले एक सूचना जारी गर्दै कारोबार प्रणालीमा समस्या आएको जानकारी गराएको हो । प्राविधिक समस्याका कारण आज प्रिसेसनमा कारोबार हुन नसकेको र नियमित सेसनमा समेत ढिलाइ भइरहेको जनाएको छ ।
नियमित सेसनमा ११ बजेदेखि कारोबार सुरु हुनुपर्नेको झन्डै आधा घण्टा बित्दा पनि अझै कारोबार सुरु हुन सुकेको छैन ।
समस्याका समाधानका लागि प्राविधिकहरु खटिरहेको र यथासम्भव चाँडै कारोबार सुरु हुने नेप्सेले जनाएको छ । यसअघि पनि नेप्सेको अनलाइन प्रणालीमा समस्या आउँदा पटक पटक कारोबार रोकिएको छ ।
