काठमाडौं । माछापुच्छ्रे बैंकको अध्यक्षमा रोशन केसी नियुक्त भएका छन् ।
बैंक संचालक समितिको मंसिर ७ गते बसेको बैठकले केसीलाई अध्यक्षमा नियुक्त गरेको हो । केसी यसअघि पनि बैंकको अध्यक्ष बनेको थिए । उनी २०७४ वैशाखदेखि २०७५ पुससम्म अध्यक्ष थिए ।
यसअघिका बैंकका अध्यक्ष डा. उपेन्द्र महतोले राजीनामा दिएका थिए । उनको राजीनामा स्वीकृत गर्दै संचालक समितिले केसीलाई नयाँ अध्यक्षमा नियुक्त गरेको हो ।
केसी पोखराका युवा व्यवसायी हुन् । स्नाकोत्तरसम्म अध्ययन गरेका केसीको सहकारी, हाइड्रोपावर, कन्स्ट्रक्सन कम्पनी लगातमा लगानी छ ।
पोखरा बचत तथा ऋण सहकारी लिमिटेडका पूर्व निर्देशक रहेका उनी भगवती हाइड्रोपावर, सिक्लेस हाइड्रोपावर र गण्डकी हाइड्रोपावर डेभलपमेन्टमा आबद्ध छन् ।
साथै, उनले केसी कन्स्ट्रक्सन प्रालि सञ्चालन गरिरहेका छन् ।
