काठमाडौं । नबिल बैंकले गत आर्थिक वर्ष २०७९/८० को मुनाफबाट लाभांश घोषणा गरेको छ ।
बैंक संचालक समितिको मंसिर ७ गते बसेको बैठकले सेयरधनीलाई कर प्रयोजनसहित ११ प्रतिशत नगद लाभांश दिने घोषणा गरेको छ ।
बैंकले घोषणा गरेको यो लाभांश हालसम्मकै थोरै हो । यस अघि नबिल बैंकले औसतमा वार्षिक ३० प्रतिशत बढी लाभांश दिँदै आएको थियो ।
प्रस्तावित लाभांश नियामक निकाय नेपाल राष्ट्र बैंकको स्वीकृति र बैंकको आगामी साधरण सभाबाट पारित भएपछि सेयरधनीले पाउने छन् ।
