काठमाडौं । जीवन बीमा कम्पनीहरूले व्यवसाय बढाउन थरिथरिका बीमा योजना ल्याएका छन् । कम्पनीहरूले सर्वसाधारणलाई बीमामा आकर्षित गर्न जीवन बीमा योजना ल्याएका हुन् । आकर्षक बानेस दरसहितका जीवन बीमा योजना सार्वजनिक गरिहेका छन् ।
पछिल्लो सामय नयाँ बीमा योजना ल्याएर जीवन बीमा गर्न प्रेरित गर्न तथा व्यवसाय बढाउन कम्पनी बीच प्रतिस्पर्धा नै चल्ने गरेको छ । एउटै बीमा कम्पनीले ग्राहक तान्न दर्जन बढी विमा योजना ल्याएका छन् ।
दशैंतिहार तथा चाडपर्वको समयमा बीमा लेखको माग बढी हुने भएकाले कम्पनीहरूले सोही अनुसार विभिन्न प्रकारका योजना सार्वजनिक गर्ने गरेका छन् । पछिल्लो समय चाडपर्वमा कतिपयले आफन्तलाई दक्षिणा दिँदा बीमा पोलिसी दिने प्रचलन अचेल बढ्दो छ ।
तिहार, पास्नी, जन्म लगायतका संस्कारहरूमा पनि आफन्तले बीमा पोलिसी उपहार दिने गरेको पाइन्छ । बीमा कम्पनीहरूले पनि मानिसको यही आवश्यकतालाई ध्यानमा राखेर बालबालिका, शिक्षा, स्वास्थ्य लगायतका लागि उपयोगि बीमा योजना ल्याएका छन् ।
यसले एकातिर मानिसलाई जीवन बीमाको दायरामा ल्याउँछ भने अर्कोतिर बीमा कम्पनीको व्यवसायमा पनि सकारात्मक योगदान पुर्याउँछ ।
कुन कम्पनीका कस्ता छन् योजना ?
हाल सञ्चालनमा रहेको नेशनल लाइफ इन्स्योरेन्स कम्पनीले सावधिक जीवन बीमा योजना, बाल जीवन बीमा योजना, अग्रिम भुक्तानी बीमा योजना, आजिवन बीमा योजना, म्यादी बीमा योजना र अवकाश बीमा योजना ल्याएको छ ।
यी योजना अन्र्तगत फरक फरक बोनसदर पनि दिने घोषणा गरेको छ । कम्पनीले घोषणा गरेको उल्लिखित बीमा योजनामा ६४ देखि ८५ प्रतिशतसम्म बोनसदर दिने जनाएको छ ।
त्यस्तै, नेपाल लाइफ इन्स्योरेन्सले ६ प्रकारका बीमा योजना सार्वजनिक गरेको छ । कम्पनीले सुनौलो भविष्य जीवन बीमा योजना, जीवन सहारा, सुनौलो सुरक्षित, जीवन सारथी, अनमोल जीवन बीमा र जीवन ज्योति बीमा योजना ल्याएको हो । कम्पनीले ५८ देखि ८२ प्रतिशतसम्म बोनस रेट दिने जनाएको छ ।
लाइफ इन्स्योरेन्स कर्पोरेसनको जीवन लाभ, धनवृष्टि, जीवन साथि, जीवन आनन्द, चाइल्ड प्लान, जीवन बचत लगायत दर्जन बढी बीमा योजना छन् । यस बीमा कम्पनीले ४१ देखि ६३ प्रतिशतसम्म बोनस रेट तय गरेको छ ।
मेटलाइफले स्वास्थ्य, परिवार भविष्य, समूह लगायत बीमा योजना ल्याएको छ । कम्पनीका अनुसार बोनस रेट ५५ देखि ८० प्रतिशतसम्म तोकिएको छ ।
एशियन लाइफले भष्यि निधि सावधिक जीवन बीमा योजना ल्याएको छ । बाल उच्च शिक्षा, दम्पत्ति सुरक्षा प्लान, पेन्सन प्लान, धनसम्वृद्धि लगायत आधा दर्जन बढी यस कम्पनीका बीमा योजना रहेका छन् । कम्पनीले ८७ प्रतिशतसम्म उच्च बोनस रेट निर्धारण गरेको छ ।
सूर्यज्योती लाइफले सूर्यज्योती सावधिक जीवन बीमा, सुनौलो भविष्य, धन बहार, धनलाभ, धनवृद्धि, चौरासी पूजा, म्यादी जीवन बीमा लागायत दर्जन बढी बीमा योजना ल्याएको छ । यसले बोनस रेट ३० देखि ९० रुपैयाँ प्रतिहजार तोकेको छ ।
आइएमई लाइफले आइएमई बालकिरण, बाल उज्जवल, बालउमंग, धनवर्धन, आजीवन, सबल, कल्पधन, सरल लगायत बीमा योजना रहेका छन् । यी पोलिसिमा कम्पनीले ३२ देखि ७० प्रतिहजार बोनसदर तोकेको छ ।
यसैगरी, सन् नेपाल लाइफ इन्स्योरेन्स, सानिमा रिलायन्स, रिलायबल नेपाल, सिटिजन लाइफ, प्रभु महालक्ष्मी र हिमालयन लाइफ इन्स्योरेन्स कम्पनीले पनि सोही प्रकृतिका बीमा योजना ल्याएका छन् ।
