काठमाडौं । दसैंका लागि आजदेखि नयाँ नोट साट्न पाइने भएको छ ।
काठमाडौं उपत्यकाभित्र राष्ट्र बैंक अन्तर्गतको मुद्रा व्यवस्थापन विभाग र विभिन्न वाणिज्य बैंकका शाखामार्फत् नयाँ नोट साट्न पाइने छ।
त्यस्तै, उपत्यका बाहिर राष्ट्र बैंकको प्रादेशिक कार्यालयहरु र वाणिज्य बैंकका शाखा कार्यालयमा गइ नोट साट्न सकिने राष्ट्र बैङ्कले जनाएको छ ।
राष्ट्र बैंकका अनुसार प्रतिव्यक्ति ५, १०, २०, ५० र १०० दरका एक/एक बण्डल गरी कुल साढे १८ हजार रुपैयाँ बराबरको नोट सटही सुविधा दिइने छ ।
क्यूआर मार्फत भुक्तानी गरेर नयाँ नोट साट्न सक्ने व्यवस्था गरिने राष्ट्र बैंकले जनाएको छ । यस वर्ष राष्ट्र बैंकले करिब १० अर्बभन्दा बढी रुपैयाँको नयाँ नोट बजारमा पठाएको छ ।
