काठमाडौं । नेपाल आयल निगमले पेट्रोल र डिजेलको भाउ घटाएको छ । निगमले आइतबार राति १२ बजेदेखि लागू हुने गरी पेट्रोलको प्रतिलिटर ११ रुपैयाँ, डिजेल र मट्टीतेलकाे समान प्रतिलिटर ५ रुपैयाँ घटाएको हो ।
भारतबाट पेट्रोलको भाउ प्रतिलिटर ११.१८ र डिजेलको मूल्य लिटरमा ५.०३ रुपैयाँले घटेर आएकाले स्वचालित मूल्य प्रणाली अनुसार भाउ समायोजन गरिएको निगमले जनाएको छ । पछिल्लो समय अन्तर्राष्ट्रिय बजारमा कच्चा तेलको भाउ घटेसँगै भारतीय आयल निगमले पनि घटाएर पठाएको हो ।
निगमका अनुसार अब काठमाडौं उपत्यकामा पेट्रोलको मूल्य प्रतिलिटर १७२ रुपैयाँ कायम भएको छ भने डिजेलको मूल्य प्रतिलिटर १६८ रुपैयाँ पर्नेछ ।
खाना पकाउने एलपी ग्यासको मूल्य भने यथावत राखिएको निगमले जनाएको छ ।
