काठमाडौं । सानिमा माई हाइड्रोपावरले गत आर्थिक वर्ष २०७९/८० को मुनाफाबाट लाभांश घोषणा गरेको छ ।
कम्पनी संचालक समितिको असोज १५ गते बसेको बैठकले सेयरधनीलाई १० प्रतिशत बोनस सेयर र कर प्रयोजनाका लागि ०.५३ प्रतिशत नगद गरी १०.५३ प्रतिशत लाभांश दिने निर्णय गरेको हो ।
प्रस्तावित लाभांश कम्पनीको आगामी वार्षिक साधरण सभाले पारित गरेपछि सेयरधनीले पाउने छन् । सो लाभांश पारित गर्न कम्पनीले कात्तिक २३ गते १२ औं वार्षिक साधारण सभा बोलाएको हो।
सभा तथा लाभांश प्रयोजनका लागि कम्पनीले असोज २४ गते बुकक्लोज तोकेको छ । सो अनुसार असोज २२ गतेसम्म कायम रहने सेयरधनीले प्रस्तावित लाभांश पाउने छन् ।
