काठमाडौं । सरकारले पेट्रोलियम पदार्थमा भएको मूल्यवृद्धि फिर्ता लिएको छ । प्रधानमन्त्री पुष्पकमल दाहाल ‘प्रचण्ड’को निर्देशनपछि आइतबार राति १२ बजेदेखि लागू हुने गरी इन्धनको मूल्य वृद्धि फिर्ता लिइएको नेपाल आयल निगमले जनाएको छ ।
निगमले शनिबार रातिदेखि लागू हुने गरी पेट्रोलमा प्रतिलिटर २ रुपैयाँ, डिजल र मट्टीतेलमा प्रतिलिटर ६ रुपैयाँ, हवाई इन्धन आन्तरिक र अन्तर्राष्ट्रिय दुवैमा प्रतिलिटर ८ रुपैयाँ बढाएको थियो ।
त्यस्तै, खाना पकाउने एलपी ग्यासमा प्रतिसिलिण्डर २१५ बढाएको थियो । चाडवाडकै मुखमा पेट्रोलियय पद्धार्थको मूल्य वृद्धि गरिएको भन्दै चौतर्फी विरोध भएपछि सरकारले मूल्य वृद्धि फिर्ता लिएको हो ।
