काठमाडौं । इन्टरनेट सेवा प्रदायक सीजी कम्युनिकेशन्सले सीजी डिजिटल र पेमेन्ट पार्टनर ईसेवासँग सहकार्य गर्दै आफ्नो दशैँ क्याम्पेन ह्याट्रिक दक्षिणा सार्वजनिक गरेको छ ।
नजिकिँदो दशैँ र क्रिकेट विश्वकप लाई दृष्टिगत गर्दै ह्याट्रिक दक्षिणा क्याम्पेनले उपभोक्तालाई अतुलनिय फाइदा प्रदान गर्ने लक्ष्य लिएको कम्पनीको भनाइ छ ।
सीजी डिजिटल र सीजीनेट बीचको सहकार्य मार्फत यस योजना अन्तर्गत उपभोक्ताले पहिलेकै मूल्यमा तेब्बर गतिको इन्टरनेट सुविधा प्राउने छन् । साथै योजना अन्तर्गत उपलब्ध गरिएका विभिन्न कम्बो छुटको लाभ लिँदै रु. ३२ हजार ८५९ पर्ने ४३ इन्चको सीजी स्मार्ट टीभीका साथमा ३ महिनाका लागि सीजीनेट प्लस आइपीटीभीको ८० एमबीपीएस सेवा प्राप्त गर्न सक्नेछन् ।
यो वास्तविक मूल्यको आधा रहेको कम्पनीको भनाइ छ । त्यसैगरी ३२ इन्चको सीजी स्मार्ट टीभी, २२ हजार ६४४ रुपैयाँमा खरिद गर्दा ३ महिनाका लागि सीजीनेट प्लस आइपीटीभीको ५० एमबीपीएस सुविधा पाउने छन् ।
सीजी स्मार्ट टीभीका लागि अधिकतम छुट सुविधाका साथै यस अफर अन्तर्गत उपभोक्ताले ५० र ८० एमबीपीएस गतिको इन्टरनेट सुविधा खरिद गर्दा तेब्बर गतिको इन्टरनेट सुविधा प्राप्त गर्न सक्नेछन् । साथै उपभोक्ताले ईसेवाका माध्यमबाट सीजीनेटका प्याकेजहरु खरिद गर्दा ५०० रुपैयाँसम्मको क्यासब्याक पाउने छन् ।
सीजीनेटले हालै आफ्ना सेवाहरु पोखरा, विराटनगर, इँटहरी, धरान र वीरगंज लगायत प्रमुख सहरमा विस्तारित गरेको छ । यसअघि कम्पनीको सेवा हेटौंडा, बुटवल, भैरहवा, भरतपुर, सिमरा, बर्दिघाट, काठमाडौं, ललितपुर र भक्तपुरमा समेत उपलब्ध छ ।
