काठमाडौं । सिटिजन्स बैंक इन्टरनेशनले गत आर्थिक वर्ष २०७९/८० को मुनाफाबाट लाभांश घोषणा गरेको छ ।
बैंक संचालक समितिको भदौ ३१ गते बसेको बैठकले सेयरधनीलाई करसहित ५.७९ प्रतिशत नगद लाभांश दिने घोषणा गरेको हो ।
बैंकले घोषणा गरेको यो लाभांश अघिल्लो आर्थिक वर्ष २०७८/७९ को तुलनामा झन्डै आधा कम हो । बैंकले सो आवमा ९ प्रतिशत लाभांश दिएको थियो ।
प्रस्तावित लाभांश नियामक निकाय नेपाल राष्ट्र बैंकको स्वीकृति र बैंकको आगामी साधरण सभाबाट पारित भएपछि सेयरधनीले पाउने छन् ।
