काठमाडौं । सेयर बजारमा उच्च अंकको गिरावट आएको छ । बजार खुलेदेखि लगातार ओरालो लागेको नेप्से झन्डै २९ अंकले घटेर बन्द भएको हो ।
बिहीबार नेप्से परिसूचक २८.९२ अंकले घटेर १९३२.४५ विन्दुमा आइपुगेको छ । यसदिन २७६ कम्पनीको १ अर्ब १५ करोड रुपैयाँ बराबरको ३७ लाख ६९ हजार ३३ कित्ता सेयर किनबेच भएको छ ।
आज कारोबारमा आएका १३ वटै उपसमूहको परिसूचक राताम्मे भएको छ । हाइड्रोपावर उपसमूहको परिसूचक सबैभन्दा धेरै २.५२ प्रतिशतले घटेको छ ।
आज लिबर्टी इनर्जीको सर्वाधिक कारोबार भएको छ । यसको ६ करोड रुपैयाँ बढीको सेयर किनबेच भएको छ ।
घट्दो बजारमा आज शुभम पावरको सेयर मूल्यमा पोजेटिभ सर्किट लागेको छ । यसका सेयरधनीले ठ्याक्कै १० प्रतिशत कमाएका छन् भने बाराही हाइड्रोपावरका सेयरधनीले सर्वाधिक ९.७१ प्रतिशत गुमाएका छन् ।
