काठमाडौं । गृह मन्त्रालयले अध्यागमन विभागका महानिर्देशक झलकराम अधिकारीलाई जिम्मेवारीबाट हटाएको छ ।
६१ किलो सुन प्रकरणमा मुख्य आरोपी रहेका दावा छिरिङसँग उनको कुराकानी भएको सार्वजनिक भएपछि मन्त्रालयले उनलाई हटाएको हो ।
अधिकारी र दावाबीच चिनियाँ सामाजिक सन्जाल वी–च्याटमा कुराकानी भएको सार्वजनिक भएको थियो ।
अधिकारीलाई गृहले जिम्मेवारीबाट हटाएर मन्त्रालयमा तानेको छ । उनले गत फागुन १७ गतेदेखि अध्यागमन विभागको जिम्मेवारी सम्हालेका थिए ।
