काठमाडौं । समता घरेलु लघुवित्त वित्तीय संस्थाले मनकामना स्मार्ट लघुवित्तलाई प्राप्ति (एक्वीजिशन) गर्ने भएको छ ।
दुई संस्थाले भदौ ७ गते (बिहीबार) बिहान प्राप्ति सम्बन्धी समझदारी पत्रमा हस्ताक्षर गरेका हुन् । दुई संस्था बीच कति सेयर अनुपात (स्वाप रेसियो)मा प्राप्ति हुने भन्ने बारे केही खुलाइएको छैन ।
हाल समताको चुक्ता पूँजी ३९ करोड ४१ लाख ५५ हजार र मनकामनाको १४ करोड ८४ लाख ७८ हजार रुपैयाँ रहेको छ ।
प्राप्ति सम्बन्धी सम्झौता गरेसँगै नेप्सेले दुवै लघुवित्तको आधारभूत सेयरधनीहरुको सेयर कारोबार रोक्का गरेको छ ।
