काठमाडौं । स्वाबलम्बन लघुवित्त वित्तीय संस्थाको खुद नाफामा सुधार आएको छ । लघुवित्तले मंगलबार सार्वजनिक गरेको गत आर्थिक वर्ष २०७९/८० को चौथो त्रैमाससम्मको अपरिष्कृत वित्तीय विवरण अनुसार खुद नाफा २१.२८ प्रतिशतले बढेको हो ।
लघुवित्तले गत आर्थिक वर्षको असार मसान्तसम्ममा ३३ करोड ९४ लाख रुपैयाँ खुद नाफा कमाएको छ । यो अघिल्लो आवको सोही अवधिको तुलनामा ६ करोड रुपैयाँ बढी हो । लघुवित्तले अघिल्लो वर्षमा २७ करोड ९९ लाख रुपैयाँ खुद नाफा कमाएको थियो।
खुद ब्याज आम्दानी र सञ्चालन नाफा घटे पनि इम्पेयरमेन्ट चार्ज घट्दा र डिफर्ड ट्याक्स आम्दानी बढ्दा लघुवित्तको खुद नाफा बढ्न पुगेको हो।
समीक्षा अवधिमा लघुवित्तको खुद ब्याज आम्दानी ८.१९ प्रतिशत घटेर १ अर्ब ५५ करोड रुपैयाँमा सीमित भएको छ । त्यस्तै, संचालन आम्दानी १०.६९ प्रतिशत घटेर ५२ करोड ५० लाख रुपैयाँमा सीमित भएको छ ।
समीक्षा अवधिमा लघुवित्तले १२ अर्ब ८० करोड निक्षेप तथा सापटी लिई १८ अर्ब २९ करोड कर्जा लगानी गरेको छ ।
हाल १ अर्ब २९ करोड ४९ लाख रुपैयाँ चुक्ता पूँजी रहेको लघुवित्तको सेयर प्रिमियममा ८ लाख ६८ हजार, रिटेन्ड अर्निङमा ५८ करोड २८ लाख र जगेडा कोषमा १ अर्ब ३८ रुपैयाँ सञ्चित छ।
समीक्षा अवधिमा लघुवित्तको वितरणयोग्य मुनाफा २५ लाख ७० हजार रुपैयाँ छ । यसबाट लघुवित्तले सेयरधनीलाई १९.९१ प्रतिशत लाभांश बाँड्न पुग्छ ।
नाफा बढेसँगै लघुवित्तको प्रतिसेयर आम्दानीमा पनि बढेको छ । अघिल्लो वर्षमा २४.९४ रुपैयाँ रहेको लघुवित्तको प्रतिसेयर आम्दानी १.३६ रुपैयाँले बढेर २६.३१ रुपैयाँ पुगेको छ । समीक्षा अवधिमा लघुवित्तको प्रतिसेयर नेटवर्थ २५२.४६ रुपैयाँ, मूल्य आम्दानी अनुपात ३४.२३ गुणा, खराब कर्जा ८.६६ प्रतिशत पुगेको छ ।
