काठमाडौं । नेपाल राष्ट्र बैंकले ३ अर्ब ८५ करोड ५० लाख रुपैयाँ बराबरको ट्रेजरी बिल बिक्री गर्ने भएको छ ।केन्द्रीय बैंकका अनुसार आज (सोमबार) उक्त परिमाणको ट्रेजरी बिल बिक्री गर्न लागिएको हो ।
बैंकका अनुसार ट्रेजरी बिल बोलकबोल प्रक्रियाबाट बिक्री गर्न लागिएको हो । बैंकका अनुसार २ अर्ब ट्रेजरी बिल ९१ दिने अवधिका लागि बिक्री गर्न लागिएको हो । आगामी फागुन ६ गते उक्त बिल परिपक्व हुनेछ ।
यस्तै १ अर्ब ८५ करोड बराबरको ट्रेजरी बिल १८२ दिने अवधिको छ । सो बिल आगामी जेठ ६ गते परिपक्व हुनेछ । यसअघि बैंकले गत कात्तिक २५ गते पनि ट्रेजरी बिल बिक्री गरेको थियो ।
