काठमाडौं । नेपाल राष्ट्र बैंकले चालु आर्थिक वर्षमा निजी क्षेत्रतर्फ विस्तार गर्ने कर्जाको लक्ष्य घटाएको छ । राष्ट्र बैंकले आइतबार चालु आर्थिक वर्ष २०८०/८१ को मौद्रिक नीति सार्वजनिक गर्दै निजी क्षेत्रतर्फ कर्जा विस्तारको लक्ष्य घटाएको हो ।
राष्ट्र बैंकले चालु वर्षमा निजीक्षेत्रतर्फ ११.५ प्रतिशत कर्जार विस्तार गर्ने लक्ष्य राखेको छ । बजेटले राखेको ६ प्रतिशतको आर्थिक वृद्धिदर हासिल हुने गरी कर्जा विस्तार लक्ष्य राखिएको राष्ट्र बैंकले जनाएको छ ।
राष्ट्र बैंकले गत वर्ष राखेको कर्जा विस्तारको लक्ष्य नभेट्टाएपछि चालु वर्षमा घटाएको हो । गत वर्ष १२.६ प्रतिशत कर्जा विस्तार गर्ने लक्ष्य राखेकोमा पम्मा ३ प्रतिशत मात्र कर्जा विस्तार भएको थियो ।
