काठमाडौं । नेपाल स्टक एक्स्चेन्ज (नेप्से)मा युनाइटेड अजोड इन्स्योरेन्सको सेयर सूचीकृत भएको छ ।
नेप्सेमा साविकको युनाइटेड इन्स्योरेन्स र अजोड इन्स्योरेन्स मर्ज भई बनेको नयाँ कम्पनी ‘युनाइटेड अजोड इन्स्योरेन्स’को सेयर सूचीकृत भएको हो ।
साविकको युनाइटेड र अजोड मर्ज हुँदा कायम भएको १:०.८२ सेयर अनुपातका आधारमा युनाइटेड अजोडको नाममा १ करोड ९० लाख ४५ हजार ६८० कित्ता सेयर सूचीकृत भएको छ ।
कम्पनीको सेयर कारोबारका लागि नेप्सेले ४८९.४९ रुपैयाँ ओपन रेन्ज तोकेको छ । अब यही मूल्यका आधारमा सोमबार कम्पनीको सेयर कारोबार खुल्नेछ । इन्स्योरेन्सको सेयर कारोबारका लागि नेप्सले UAIL संकेत चिह्न दिएको छ ।
