काठमाडौं । इन्डियन आयल कर्पोरेशन (आइओसी)ले नेपाल आयल निगमलाई पेट्र्रोलियम पद्धार्थको नयाँ मूल्यसूची पठाएको छ ।
आइओसीबाट आइतबार प्राप्त खरिद मूल्यसूची अनुसार पेट्रोलमा प्रतिलिटर ३४ पैसा भाउ घटेर आएको निगमले जनाएको छ । त्यस्तै, डिजेलमा प्रतिलिटर २.४७ रुपैयाँ बढेर आएको छ ।
नयाँ मूल्यसूचीपछि आगामी १५ दिनमा निगमलाई सबै पेट्रोलियम पदार्थमा गरी ५० करोड रुपैयाँ नाफा हुने प्रक्षेपण गरिएको छ ।
नयाँ मूल्य सूची प्राप्त भएसँगै आज निगम संचालक समितिको बैठकले मूल्य समायोजन सम्बन्धी निर्णय गर्ने जनाइएको छ । निगमले अब स्वचालित मूल्य प्रणाली लागू गर्ने तयारी गरिएको बताइएको छ । यद्यपि, औपचारिक घोषणा भने भएको छैन ।
अन्तर्राष्ट्रि बजारमा हुने घटबढ अनुसार आइओसीले हरेक १५/१५ दिनमा निगमलाई नयाँ मूल्य सूची पठाउने गरेको छ ।
