काठमाडौं । हिमालयन बैंकले गत आर्थिक वर्षको मुनाफाबाट सेयरधनीलाई २२ प्रतिशत लाभांश दिने घोषणा गरेको छ ।
बैंक सञ्चालक समितिको बिहीबार (कार्तिक २८ गते) सम्पन्न ३७७ औं बैठकले आर्थिक वर्ष २०७५/०७६ को मुनाफाबाट १० प्रतिशत बोनस सेयर र बोनसमा लाग्ने कर सहित १२ प्रतिशत नगद लाभांश दिने घोषणा गरेको हो।
बैंकले प्रस्ताव गरेको लाभांश अघिल्लो आर्थिक वर्षको तुलनामा ६ प्रतिशतले धेरै हो । बैंकले अघिल्लो आर्थिक वर्ष १६ प्रतिशत लाभांश वितरण गरेको थियो ।
बैंकले प्रस्ताव गरेको उक्त लाभांश नियामक निकाय नेपाल राष्ट्र बैंकको स्वीकृति तथा बैंकको आगामी वार्षिक साधारण सभाले अनुमोदन गरेपछि मात्र सेयरधनीले पाउनेछन्।
