काठमाडौं । सेयर बजारमा करेक्शन आएको छ । यस साताको अघिल्ला ३ दिनमै १३० अंकले बढेको नेप्सेमा आज दोहोरो अंकको घटेकाे हो ।
सूचकमा गिरावट आए पनि आज कारोबार रकम भने बढेको छ । सँगै आज कारोबार रकममा पनि वृद्धि भएको छ । अघिल्लो दिनको तुलनामा कारोबार रकम ५० करोडले बढेर ५ अर्ब ९७ करोड पुगेको छ ।
बुधबार नेप्से परिसूचक ३५.३७ अंकले घटेर २१५०.९९विन्दुमा आइपुगेको छ । यसदिन २८० कम्पनीको १ करोड ३३ लाख ४२ हजार ९९६ कित्ता सेयर किनबेच भएको छ ।
आज कारोबारमा आएका १३ वटा उपसमूहमध्ये जीवन बीमा बाहेक अरु सबै समूहको परिसूचक घटेको छ । अन्य उपसमूह सबैभन्दा धेरै ३.२९ प्रतिशतले घटेको छ ।
आज हिमालयन लाइफको सर्वाधिक कारोबार भएको छ । यसको ८३ करोड रुपैयाँ बढीको सेयर किनबेच भएको छ । त्यस्तै, शिवम् सिमेन्टको २८ करोड र सोल्टी होटल २३ करोड बढीको कारोबार हुँदै शीर्ष तीनमा रहे ।
दोहोरो अंकले घटेको बजारमा पनि आज ३ कम्पनीको सेयर मूल्यमा पोजेटिभ सर्किट लागेको छ । हिमालयन लाइफ इन्स्योरेन्स, बीपीडब्ल्यू लघुवित्त र सिटी होटलको सेयर मूल्य १० प्रतिशतले बढेको छ ।
घट्दो बजारमा आज इङवा हाइड्रोपावरका सेयरधनीले सर्वाधिक ६.६४ प्रतिशत गुमाएका छन् । त्यसैगरी, खप्तड लघुवित्त र तारागाँउ होटलका सेयरधनीले पनि ६ प्रतिशत गुमाएका छन् ।
