काठमाडौं । सेयर बजार लगातार सातौं दिन बढेको छ । गत गत मंगलबारदेखि उकालो लागेको नेप्सेले आज पनि सोही लय कायम राखेको हो । पछिल्ला ७ कारोबार दिनमा नेप्से १३७ अंकले बढेको छ ।
सूचकसँगै आज कारोबार रकममा पनि उछाल आएको छ । ५ अर्ब १ करोड रुपैयाँको सेयर किनबेच भएको छ । यो ६ महिना यताकै उच्च हो ।
बुधबार नेप्से परिसूचक १६.४२ अंकले बढेर २०३७.०६ विन्दुमा पुगेको छ । यसदिन २७५ कम्पनीको १ करोड २५ लाख ६१ हजार ४४० कित्ता सेयर किनबेच भएको छ ।
आज कारोबारमा आएका १३ वटा उपसमूहमध्ये ७ को परिसूचक बढेको छ भने ६ को घटेको छ । अन्य उपसमूहको परिसूचक सबैभन्दा धेरै २.३५ प्रतिशतले बढेको छ ।
आज शिवम् सिमेन्टको सर्वाधिक कारोबार भएको छ । यसको २८ करोड रुपैयाँ बढीको सेयर किनबेच भएको छ । त्यस्तै, हिमालयन डिस्ट्रीलरी २४ करोड र नेपाल लाइफ इन्स्योरेन्स १४ करोड बढीको कारोबार हुँदै शीर्ष तीनमा रहे ।
बढ्दो बजारमा आज दुई कम्पनीको सेयर मूल्यमा पोजेटिभ सर्किट लागेको छ । खप्तड लघुवित्त र सिटी होटलका सेयरधनीले १० प्रतिशत कमाएका छन् ।
