काठमाडौं । हिमालय एयरलाइन्स पछिल्लो समय गन्तव्य विस्तारमा आक्रमक देखिएको छ। हालैमात्र चीनको राजधानी बेइजिङमा उडान शुरु गरेको हिमालयले साउदीमा पनि उडान विस्तार गर्न लागेको छ।
साउदीको दमाममा उडान गरिरहेको हिमालयले रियादमा पनि उडान गर्ने तगारी गरेको छ । रियाद उडान गर्नका लागि एयरलाइन्सले संस्कृति पर्यटन तथा नागरिक उड्डयन प्राधिकरण प्राधिकरणमा आवेदन दिएको छ।
उसले केही समय अघिमात्र बंगलादेशको ढाका उडान शुरु गरेको थियो। सन् २०१९ भित्रै चीनका अन्य तीन सहरमा पनि उडान विस्तार गर्ने तयारीमा रहेको छ ।
