काठमाडौं। सरकारले आगामी वर्ष ८ वटा विमानस्थलको स्तरोन्नति गर्ने घोषणा गरेको छ ।
अर्थमन्त्री डा. प्रकाशशरण महतले सोमबार संघीय संसदको दुवै सदनको संयुक्त बैठकमा आगामी वर्ष २०८०/८१ को बजेट प्रस्तुत गर्दै उक्त घोषणा गरेका हुन् ।
उनले विराटनगर, नेपालगञ्ज, भरतपुर र धनगढी विमानस्थलहरूको स्तरोन्नति गरी क्षेत्रीय विमानस्थल बनाइने बताए ।
त्यस्तै, उनले रुकुमको चौरजहारी, दाङको टरीगाउँ, उदयपुरको सगरमाथा, जुम्लाको खलङ्गा लगायतका विमानस्थलको स्तरोन्नति गरिने घोषणा गरेका छन् ।
