काठमाडौं । सरकारले राष्ट्रिय पूर्वाधार गुरु योजना तयार गरी पूर्वाधार क्षेत्रमा लगानी गर्न प्रोत्साहित गर्ने भएको छ ।
शुक्रबार संघीय संसदको संयुक्त बैठकमा आगामी आर्थिक वर्ष २०८०/८१ को नीति तथा कार्यक्रम प्रस्तुत गर्दै राष्ट्रपति रामचन्द्र पौडेलले यस्तो बताएका हुन् ।
उनले सार्वजनिक लगानीमा संशोधन, जलमार्ग र हवाईका लागि एकीकृत राष्ट्रिय योजना तथा राष्ट्रिय यातायात नीति तर्जुमा गरिने बताएका हुन् ।
यस्तै पूर्वाधार निर्माणमा २ सिफ्टमा काम हुने व्यवस्था मिलाइने नीति तथा कार्यक्रमा उल्लेख छ । यस्तै, सरकारले आयोजना निर्माणका लागि आवश्यक सबै पूर्व तयारीका चरण पूरा गरेका आयोजनालाई मात्र बजेट दिने भएके छ ।
रणनीतिक तथा व्यापारीक राजमार्ग, पूर्वापश्चिम राजमार्ग निर्माणलाई निरन्तरता दिनुका साथै हुम्ला÷जुम्लालाई राष्ट्रिय राजमार्गमा जोड्ने उनले बताए ।
कर्णाली प्रदेशलाई पूर्वाधार निर्माणमा प्राथमिकतामा राखिनुका साथै फाष्टट्रयाक निर्माण २०८३ भित्र सम्पन्न गरिने उनले बताए ।
राष्ट्रिय राजमार्ग र रणनीतिक सडक आयोजनाहरु ५ वर्षभित्र सम्पन्न गरिने उनले बताए । सबै स्थानीय तहको केन्द्रलाई नजिको राष्ट्रिय सडकमा जोड्ने सरकारको योजना रहेको छ ।राष्ट्रिय राजमार्गमा सुरुङमार्ग र फ्लाई ओभर निर्माणलाई निरन्तरता दिने सरकारको योजना छ ।
