काठमाडौं । सरकारले पूँजी बजारको विकास र विस्तारका लागि संरचना सुधार गर्ने घोषणा गरेको छ । शुक्रबार राष्ट्रपति रामचन्द्र पौडेलले संघीय संसदको प्रतिनिधि र राष्ट्रिय सभाको संयुक्त बैंठकमा आर्थिक वर्ष २०८०/८१ को नीति तथा कार्यक्रम प्रस्तुत गर्दै यस्तो बताएका हुन ।

यसका साथै सरकारले गैरआवासिय नेपालीको लगानी भित्र्याउनको लागि पनि पहल गर्ने घोषणा गरेको छ । ‘सरकारले पूँजी बजारको विकास र विस्तारको लागि संरचना सुधार गर्ने छ । गैरआवासिय नेपालीलाई पूँजी बजारमा लगानीको वातावरण तयार गरिनेछ’, उनले भने ।