काठमाडौं । डिप्रोक्स लघुवित्त वित्तीय संस्थाले आदर्श लघुवित्त वित्तीय संस्थालाई प्राप्ति (एक्वीजिसन) गर्न अनुमति पाएको छ ।
नेपाल राष्ट्र बैंकले जेठ ३ गते डिप्रोक्सलाई आदर्श प्राप्ति गर्न अन्तिम स्वीकृति दिएको हो ।
दुई लघुवित्तले गत चैत १३ गते प्राप्ति सम्बन्धी अन्तिम सम्झौता गरेको थिए भने गत असोज १४ गते एक्वीजिसन सम्बन्धी प्रारम्भिक सम्झौता भएको थियो ।
डिप्रोक्सले आदर्शलाई समान हैसियत अर्थात् १ः१ सेयर अनुपातमा गाभ्न लागेको हो । आदर्शलाई गाभेपछि डिप्रोक्सको चुक्ता पूँजी १ अर्ब ५५ करोड रुपैयाँ पुग्नेछ ।
गत फागुन ३० गते सम्पन्न दुवै लघुवित्तको साधारण सभाले मार्फत गाभ्ने गाभिने सम्बन्धी प्रस्ताव पारित गरिसकेका छन् । अब नेपाल राष्ट्र बैंकबाट स्वीकृति पाएपछि एकीकृत कारोबार सुरु गर्नेछन् ।
