काठमाडौं । साझा यातायातले आजदेखि थप ३ बिजुली बस संचालनमा ल्याउने भएको छ । साझाले आज दिउँसो २ः३० बजेदेखि ललितपुरकाे पाटनढोकादेखि काठमाडाैंकाे जोरपाटीसम्म ३ वटा बिजुली बस संचालनमा ल्याउने भएको हो ।
उक्त बस सेवाको शुभारम्भ दिउँसो साढे २ बजे ललितपुर महानगरपालिकाका मेयर चिरिबाबु महर्जनले गर्ने साझा यातायातले जनाएको छ ।
साझा यातायातका अनुसार आजदेखि पाटनढोका-रत्नपार्क-ज्ञानेश्वर–गौशाला–चाबहिल–बौद्ध–जोरपाटी–दक्षिणढोका रुटमा ३ बिजुली बस गुड्ने छन् ।
साझाले केही महिना अघि चीनबाट ४० वटा बिजुली बस ल्याएको थियो । सोमध्ये यसअघि ३ वटा संचालनमा ल्याइसकेको थियो भने आजदेखि थप ३ वटा संचालनमा ल्याउने भएको हो ।बाँकी ३४ बिजुली बस पनि चाँडै संचालनमा ल्याउने साझाको तयारी छ ।
