काठमाडौं । सिभिल बैंकले गत आर्थिक वर्षको मुनाफाबाट सेयरधनीलाई लाभांश घोषणा गरेको छ ।
बैंक सञ्चालक समितिको कार्तिक २० गते सम्पन्न २८८ औं बैठकले आर्थिक वर्ष २०७५/०७६ को नाफाबाट ६.५७ प्रतिशत नगद लाभांश दिन घोषणा गरेको हो।
यो लाभांश अघिल्लो आर्थिक वर्ष २०७४/७५ को तुलनामा २.५२ प्रतिशतले बढी हो । सिभिले २०७४/७५मा ४.०५ प्रतिशत नगद लाभांश वितरण गरेको थियो ।
बैंकले चुक्ता पूँजीको ६.५७ प्रतिशत बराबर हुन् आउने ५२ करोड ५८ लाख २२ हजार ७०१ रुपैयाँ नगद लाभांश बाँड्ने छ ।हाल बैंकको चुक्ता पूँजी ८ अर्ब ३३ लाख ८९ हजार ६७३ रुपैयाँ छ ।
बैंकले प्रस्ताव गरेको लाभांश नियामक निकाय नेपाल राष्ट्र बैंकको स्वीकृति तथा बैंकको आगामी वार्षिक साधारण सभाले अनुमोदन गरेपश्चात मात्र सेयरधनीले पाउनेछन्।
