काठमाडौं । नेपाल स्टक एक्स्चेन्ज (नेप्से)मा थप तीन कम्पनीको बोनस सेयर सूचीकृत भएको छ ।
नेप्सेमा मंगलबार नेपाल हाइड्रो डेभलपर, साविकको सगरमाथा इन्स्योरेन्स र लुम्बिनी इन्स्योरेन्सको बोनस सेयर सूचीकृत भएको हो ।
नेप्सेमा नेपाल हाइड्रो डेभलपरको गत वर्षको नाफाबाट वितरण गरेको ५ प्रतिशत बोनस बापतको १ लाख ५९ हजार ९६६ कित्ता बोनस सेयर सूचीकृत भएको हो ।
त्यसैगरी, सगरमाथा इन्स्योरेन्सको १२.४० प्रतिशत अर्थात् १६ लाख ५३ हजार ६९९.९६ कित्ता र लुम्बिनी इन्स्योरेन्स ६.९९ प्रतिशत अर्थात् ९ लाख १७ हजार ६४४.५० कित्ता बोनस सेयर सूचीकृत भएको हो ।
नेप्सेमा सूचीकृत तीनै कम्पनीको बोनस सेयर सम्बन्धित सेयरधनीको डिम्याट खातामा जम्मा भएपछि मात्र दोस्रो बजारमा खरिदविक्री गर्न सक्नेछन् ।
